«Очиқ буджет» порталида «Маҳалла буджети» бўлими ишга тушди
Бунга кўра, ҳар бир маҳалла кесимида жисмоний шахслар томонидан тўланган мол-мулк ва ер солиғининг 10 фоизи ҳисобидан «Маҳалланинг ижтимоий-иқтисодий муаммоларини ҳал этиш жамғармаси»га ўтказилган маблағлар ва амалга оширилган харажатларни кузатиб бориш имконияти яратилди.
Жумладан, ҳар бир маҳалла кесимида:
➡️ жамғармага йўналтирилган маблағлар;
➡️ амалга оширилган харажатлар миқдори ва йўналишлари;
➡️ жамғармадаги мавжуд қолдиқ маблағлар тўғрисида маълумотлар билан танишиш имконияти яратилди.
✅ Эслатиб ўтамиз, жамғармалар ҳар бир маҳалла учун алоҳида тарзда очилган бўлиб, уларнинг маблағлари фуқароларнинг таклифлари ва «маҳалла еттилиги»нинг қарори асосида ижтимоий аҳамиятга эга муаммоларни ҳал этиш учун сарфланади.