Шимолий Кореяга ўтиб кетган америкалик аскар айбига иқрор бўлди
Шимолий Кореяга ўтган америкалик аскар Тревис Кинг бешта айблов, жумладан қочиб кетиш бўйича айбини тан олди ва 12 ойлик қамоқ жазосига ҳукм қилинди.
Ўтган йили Шимолий Корея томон чегарани кесиб ўтган америкалик аскар жума куни ўз айбини тан олди ва 12 ойлик қамоқ жазосига ҳукм қилинди, деди унинг адвокати.
Адвокатга кўра, яхши хулқ-атвори ва хизмат муддати туфайли аскар ҳозирда қўйиб юборилган.
Тревис Кинг 2023 йил июль ойида Корея ярим оролини бўлувчи қуролсизлантирилган ҳудудга саёҳати чоғида Жанубий Кореядан шимолга чегарадан ўтиб қочгани ва бундан олдинги воқеалар билан боғлиқ 14 та айбловга учраган эди.
«Судья, айблов келишуви шартларига кўра, Трависни бир йилга озодликдан маҳрум қилиш, шахсий даражани пасайтириш (Э-1), барча маошлар ва нафақалардан маҳрум қилиш ва шафқатсиз равишда ишдан бўшатишга ҳукм қилди», - деди унинг адвокати.
