Роналдунинг либосини кийган таниқли блогер Мессига алоқадор ресторандан ҳайдаб юборилди

Америкалик ЮТубер iShowSpeed "Интер Майами"нинг аргентиналик ҳужумчиси Лионель Месси билан боғлиқ ресторандан чиқариб юборилди.

iShowSpeed "Ал Насср"нинг португалиялик фордварди Криштиану Роналду мухлисларидан бири сифатида танилган.

Блогер ижтимоий тармоқдаги саҳифасидаги видеода Роналду либосини кийгани учун овқатланиш шаҳобчасидан ҳайдалганини айтди. Уни чиқариш учун ҳатто полиция ходими келган.

Хабарларга кўра, ресторан ичида видео тасвирга олиш мазкур иншоот сиёсатига зид саналади, ЮТубер эса шу сабабли "қувғин қилинган".