Роналду – топ-5 лигаларда 450та гол урган биринчи ўйинчи
«Ювентус» ҳужумчиси Криштиану Роналду А Сериянинг 2-туридан ўрин олган «Рома»га (2:2) қарши ўйинда дублга эришди.
Шу тариқа 35 ёшли португалиялик футболчининг топ-5 лигалардаги голлари 450 тага етди. У бундай натижага эришган биринчи ўйинчига айланди.
Роналду «МЮ»да 84 та, «Реал»да 311 та, «Ювентус»да 55 та тўп киритган.
Криштианунинг бу борадаги энг яқин таъқибчиси бўлган «Барселона» ҳужумчиси Лионель Месси ҳисобида эса 445 та гол бор.
Матнда хатолик топсангиз, ўша хатони белгилаб, бизга жўнатинг (Ctrl + Enter).
