Қирғизистон президенти депутатлардан "Кампиробод"ни Ўзбекистонга бериш учун овоз беришга чақирди

Қирғизистон президенти Садир Жапаров депутатларни "Кампиробод"ни Ўзбекистонга бериш учун овоз беришга чақирди.

Қирғизистон-Ўзбекистон чегараси бўйича келишув кўриб чиқилаётган парламентда Садир Жапаров сўзга чиқди. У депутатлардан Ўзбекистон билан чегара бўйича келишувга “масъулият билан” муносабатда бўлишни сўради.

У бугунги учрашувни Ўзбекистон билан чегара масаласи ниҳоят ҳал этиладиган “тарихий кун” деб атади.

“Ҳеч нарсадан қўрқманг. Биз тўғри йўлдамиз. Биз ерларимизни бераётганимиз йўқ, аксинча, ўтмишда олганимизни қайтариб беряпмиз”, — деди президент.