Полшада Алексей Навалнийнинг сафдоши Леонид Волковга уюштирилган ҳужумга алоқадорликда гумон қилинган икки киши қўлга олинди
Бу ҳақда Литва президенти Гитанас Науседа матбуот анжуманида маълум қилди. Президентнинг сўзларига кўра, гумонланувчиларни қўлга олиш операцияси Полша ва Литва ҳуқуқ-тартибот идоралари ходимлари томонидан ҳамкорликда амалга оширилган.
12 март куни кечқурун номаълум шахслар Волковнинг Вилнюсдаги уйи ёнида болға билан ҳужум қилишган эди. Ҳужумчилар Волковнинг машинаси ойналарини синдириб, унга кўздан ёш оқизувчи газ сепган, шундан сўнг Леонидни болға билан калтаклаган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
