Автомобилларга газ тарқатиш компрессор шохобчаларига жарима қўлланилди

Энг-энг / Юртимизда / Ҳодисалар
A A A
Автомобилларга газ тарқатиш компрессор шохобчаларига жарима қўлланилди

Техник жиҳатдан тартибга солиш агентлигининг Тошкент вилояти назорат инспекцияси томонидан «С.З» МЧЖда (номи ўзгартирилган) текшириш ўтказилди. Натижада ушбу автомобилларга газ тарқатиш компрессор шохобчаси томонидан 171 974 695 сўмлик мувофиқлик сертификатисиз ички ёнув двигателлари учун сиқилган табиий газ маҳсулоти реализация қилингани аниқланди.

Жиззах вилояти назорат инспекцияси томонидан «К.Л» МЧЖда (номи ўзгартирилган) ўтказилган текширишда ҳам шу каби ҳолат аниқланди. Яъни автомобилларга газ тарқатиш компрессор шохобчаси томонидан мувофиқлик сертификатисиз ички ёнув двигателлари учун сиқилган табиий газ маҳсулоти реализация қилинган.

Аниқланган камчиликлар юзасидан қонунчиликка мувофиқ, жамиятга 71 млн. сўм миқдорда молиявий жарима расмийлаштирилди.

Шунингдек, «Ш.Х» МЧЖда (номи ўзгартирилган) ўтказилган текширишда автомобилларга газ тарқатиш компрессор шохобчаси томонидан мувофиқлик сертификатисиз ички ёнув двигателлари учун сиқилган табиий газ маҳсулоти реализация қилиш ҳолатлари аниқланди.

Аниқланган камчиликлар юзасидан қонунчиликка мувофиқ, жамиятга 65 млн. сўм миқдорида молиявий жарима расмийлаштирилди.

Мувофиқлик сертификатсиз ички ёнув двигателлари учун сиқилган табиий газ маҳсулоти реализация қилинишини тақиқлаш ва маҳсулотни сертификатлаштириш юзасидан ёзма кўрсатма берилди.

Киритилди: 16:28 02.05.2024. Ўқилди: 562 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!