Туркманистон делегацияси Ўзбекистоннинг сармоявий салоҳиятини эътироф этмоқда
Хориж матбуоти Ўзбекистон ҳақида
Туркманистоннинг “Бизнес” нашри Тошкент халқаро инвестиция форумида туркманистонлик тадбиркорлар ҳам иштирок этаётгани ҳақида ёзди. Мақолада ушбу анжуман Марказий Осиё бозорига чиқиш учун қулай йўл экани қайд этилиб, Ўзбекистондаги бизнес йўналишларини ўрганиш, тадбиркорларнинг янги авлодини шакллантиришда иштирок этиш, логистикани ривожлантиришга асосланган лойиҳалар амалга ошириш, ишбилармон доира ва ҳукумат идоралари билан мулоқот ўрнатиш орқали тадбиркорлик фаолиятини ривожлантиришга хизмат қилиши эътироф этилган.
Муаллиф Форумнинг ялпи сессиясида иштирок этаётган БМТ Бош котиби ўринбосари Татьяна Молчан, Қирғизистон Вазирлар Маҳкамаси Раиси Ақилбек Жапаров, Туркия вице-президенти Жавдат Йилмаз, Саудия Арабистони энергетика вазири Абдулазиз бин Салмон Ол Сауд, Сингапур Парламенти Спикери Сиа Киан Пенг, Европа тикланиш ва тараққиёт банки президенти Одиль Рено-Бассо, ОПЕК Халқаро тараққиёт жамғармаси президенти Абдулҳамид Ал-Халифа ҳамда бошқа юқори мартабали иштирокчилар Президент Шавкат Мирзиёев нутқида тилга олинган ҳар бир ташаббус ва лойиҳани тўлиқ амалга оширишда ҳукумат тарафидан яқиндан ёрдам берилишини олқишлаганини урғулаган.
