Халқаро экспертлар иштирокида Ислом молиясига доир семинар бўлиб ўтди

Марказий банк Европа тикланиш ва тараққиёт банки ҳамда бир қатор хорижий мамлакатларнинг KPMG халқаро аудиторлик ва консалтинг корпорацияси экспертлари билан ҳамкорликда Ислом молиясининг тамойиллари, маҳсулотлари ва амалиётлари юзасидан семинар бўлиб ўтди.

Тадбир давомида экспертлар Ислом молиясининг келиб чиқиши, шариатга асосланган меъёрий-ҳуқуқий база, ислом банки операциялари ва рискларни бошқариш ҳамда ушбу соҳанинг келгусида жаҳон иқтисодиётидаги ўрнига оид тақдимотлар орқали мавзуни батафсил муҳокама қилдилар.

Бундан ташқари семинарда мавзуга оид амалий тажрибалардан мисоллар келтирилди ва Ислом молиясидаги энг долзарб саволлар муҳокама қилинди.