Песков: Франция расмий равишда «Олимпия сулҳини» таклиф қилмаган
Президент Владимир Путиннинг матбуот котиби Дмитрий Песковнинг айтишича, Франция Париж Олимпиадаси вақтида можароларни сулҳ бўйича расмий таклифлар билан чиқмаган.
«Биласизми, президентга бир неча бор шу каби саволлар берилган. Президент ҳам, бизнинг ҳарбийларимиз ҳам эътиборни Киев режими қоидага кўра шундай ғоялар ва ташаббусларни қайта тўплаш, қайта қуроллантириш ва шунга ўхшаш ишларда қўллашига қаратди», — дея Песковнинг сўзларидан иқтибос келтиради ТАСС.
«Олимпиада сулҳ» доирасида қуролли можароларни тўхтатиб туриш узоқ йиллик анъанадир ва Франция президенти Эммануэл Макрон душанба куни Парижда 26 июлдан 11 августгача ёзги ўйинларга мезбонлик қилганда буни амалга оширишини айтди.
Макрон Франция ОАВларига берган интервьюсида Франция Украина, Ғазо сектори ва Судандаги можароларда сулҳга эришиш учун «ҳамма нарсани қилишини» айтди.
«Бу имконият, мен кўплаб ҳамкорларимизни жалб қилишга ҳаракат қиламан. Хитой Халқ Республикаси президенти бир неча ҳафтадан сўнг Парижга келади, мен ундан менга ёрдам беришини сўрайман», — деди Макрон.
