Пелосининг Тайванга ташрифи Пекин ва Вашингтон муносабатларига путур етказиши мумкин

Вакиллар палатаси спикери Нэнси Пелосининг Тайванга эҳтимолий ташрифи Хитой ва АҚШ ўртасидаги муносабатларга путур етказиши мумкин, деди Хитой Халқ Республикасининг БМТдаги доимий вакили Чжан Цзюнь.

“Агар ташриф амалга оширилса, бу давлатлар ўртасидаги муносабатларга путур етказади”, деди у БМТ штаб-квартирасида ўтказилган матбуот анжуманида.

Чжан Цзюнь Пекиннинг “Тайван Хитойнинг ажралмас қисмидир” деган позициясини эслади.

Хитой "ҳеч кимнинг қизил чизиқдан ўтишига йўл қўймайди" ва "Тайван контекстидаги ҳар қандай сепаратистик ҳаракатларга, шунингдек, ички ишларга аралашишга қатъий қаршилик қилади", деди у.

"Биз кутишимиз ва вазият қандай ривожланишини кўришимиз керак, аммо биз суверенитетимиз ва ҳудудий яхлитлигимизни ҳимоя қилиш учун қўлимиздан келганини қиламиз", деди Чжан Цзюнь, Пелоси ташриф буюрган тақдирда Хитойнинг мумкин бўлган қадамлари ҳақидаги саволга.

Аввалроқ АҚШ Давлат котиби Энтони Блинкен, агар Пелоси Тайванга ташриф буюришга қарор қилса, Хитой ҳукуматини вазминлик кўрсатишга чақирганди.