Муроджон Аҳмадалиев рақибидан бироз оғирроқ тош босди

Эртага АҚШнинг Аризона штатида профессионал бокс оқшоми ташкил этилади.

Ушбу оқшом доирасининг co-main event жангида ҳамюртимиз Муроджон Аҳмадалиев (12-1, 8 КО) мексикалик 26 ёшли Кевин Гонсалес (26-0-1, 13 КО)га қарши рингга кўтарилади. Ушбу чемпионлик камари учун Элиминатор, яъни саралаш вазифасини ўтаб беради. Ғолиб боксчи мутлақ жаҳон чемпионлиги учун рингга кўтарилиш ҳуқуқини қўлга киритади.

Боксчилар эртанги жанг олдидан тарозига чиқишди. Унда Муроджон Аҳмадалиев 55,17 кг, Кевин Гонсалес эса 54,88 кг вазн кўрсатди.

Эслатиб ўтамиз, ушбу бокс оқшоми бизнинг вақт билан якшанба тонгида, тахминан соат 7:00дан сўнг бошланади.