Марсда шамол овози қандай? (видео)

Марсда шамол овози қандай? (видео)

Ўтган ҳафта Марсга қўнган АҚШнинг Mars InSight станцияси илк бор Қизил сайёрадаги шамол овозини ёзиб, уни Ерга жўнатишга муваффақ бўлди. Бу ҳақда NASA директори Жим Брайденстайн маълум қилди. 

“Инсонлар аввал ҳеч қачон Марсдаги шамол овозини эшитишмаган! Mars InSight ёзиб олган Марсдаги шамол овозини тинглаб кўринг”, деб ёзган Брайденстайн твиттерда.

NASA’да таъкидланишича, 1 декабрда станция датчиклари тезлиги 5 м/сониядан 7 м/сониягачани ташкил қилган шамолнинг паст частотали овозини ёза олган. “Миссиямизнинг вазифаларидан бири Марсдаги ҳаракат кўрсаткичларини ўлчашдан иборат”, деб айтган Марсни тадқиқ қилиш дастури раҳбари Брюс Банердт.

Mars InSight станцияси 480 млн км масофани босиб ўтиб ўтган ҳафта Марсга қўнган. У Қизил сайёрага қўнганидан 7 дақиқа ўтиб у ердан сайёрамизга илк фотосуратни жўнатган. 

Яратилишига 828 млн доллар сарфланган автоматик станция 5 май куни Калифорниядаги Ванденберг космодромидан учирилган.

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!