"IT" паркда юзага келган ёнғин борасида қўшимча маълумот берилди

Биласизми? / Юртимизда
A A A
"IT" паркда юзага келган ёнғин борасида қўшимча маълумот берилди

Ижтимоий тармоқларда “IT парк ва ИНҲА университети биноларидан бири ёнаётгани айтилмоқда” сарлавҳаси остида тарқалган хабар юзасидан маълумот.

Бугун, 23 ноябрь куни соат 11:12 да Тошкент шаҳар М.Улуғбек тумани “Олимлар” МФЙ Шаҳриобод кўчасида жойлашган кўп қаватли биноларнинг бирида ёнғин содир бўлаётганлиги тўғрисида шаҳар ФВБга хабар келиб тушган.

Шунга кўра 3 та ёнғин-қутқарув экипажи соат 11:15 да воқеа жойига етиб борган ва ёнғин соат 11:25 да ўчирилган.

Ёнғин натижасида 24-қаватли қурилиши тугалланмаган “IT” парк биносининг 21-қаватида тахминан 5 кв.м. майдонда пенопласт қолдиқлари ёниб зарарланган. Ёнғин натижасида қўшни биноларга зарар етмаган.

Ҳодиса оқибатида тан жароҳати олган ва ҳалок бўлганлар йўқ.

Ҳозирда ёнғиннинг келиб чиқиш сабаби ва моддий зарар миқдори аниқланмоқда.

Киритилди: 16:15 23.11.2022. Ўқилди: 1504 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!