Илон Маск АҚШ президентлигига кимнинг номзодини қўллаб-қувватлашини айтди

Илон Маск АҚШ президентлигига кимнинг номзодини қўллаб-қувватлашини айтди

Илон Маск Флорида штати губернатори Рой Десантис номзодини 2024 йилги президентлик сайловида қўллаб-қувватлашга тайёрлигини маълум қилди. Бу ҳақда тадбиркор Twitter саҳифасида ёзиб қолдирган.

Маск Десантисни қўллаб қувватлайсизми, деган саволга ижобий жавоб берган. Флорида губернатори ҳозирча сайловда иштирок этишини маълум қилмаган бўлса-да, бундан аввал собиқ президент Дональд Трамп у билан рақобатлашиши эҳтимолини истисно этмаганди.

Ноябрь бошида Илон Маск шу йилга қадар фақат демократларга овоз бериб келганини таъкидлаганди.

Бундан олдин машҳур репер Канье Уэст президентликка номзодини илгари суришини эълон қилганди. У ҳатто Трамп билан учрашиб, унга вице-президентликни таклиф қилди. Айрим манбаларга кўра, собиқ президент Уэстга бу таклифдан сўнг бақириб берган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!