Ҳиндистонлик эркак юрагининг «тошга айланиши» сабаб вафот этди

Ҳиндистоннинг Гоа штатида уйсиз одам юрагининг «тошга айланиши» сабаб вафот этди. 

Бу ҳақда "The Mirror" нашри хабар бермоқда. 

Ҳали кимлиги аниқланмаган 50 ёшли эркакнинг танаси маҳаллий боғдан топилган. 

Шифокорлар, унинг ўлим сабабини аниқлаш учун экспертиза ўтказганларида, юрагининг жуда қаттиқ ва оғирлашганини аниқлашган. 

Дастлабки тахминларга кўра, номаълум эркак эндомиокардиаль фиброздан азият чеккан.

Доктор Бхарат Шрикумарнинг сўзларига кўра, эркакнинг юраги ҳақиқатда тошга айланган бўлиб, бу жуда кам учрайдиган касалликдир. 

Айни пайтда маҳаллий ҳуқуқни муҳофаза қилиш органлари ходимлари марҳумнинг шахсини аниқлашга уринишмоқда.