Ҳиндистонда бриллиантли ниқоблар сотила бошлади

Ғарбий Ҳиндистоннинг Гужарат шаҳрида жойлашган заргарлик дўкони олтин ҳамда бриллиантлар билан қопланган ҳимоя ниқобларини сотишни бошлади.

Дўкон эгасининг сўзларига кўра, мижозлардан бири тўй учун ноёб ниқоблар тайёрлашни сўраган. Дизайнерлар эса келин ва куёвга мўлжалланган ноёб аксессуарларни яратганларидан сўнг бундай ниқобларнинг кенг қамровли сотуви йўлга қўйилган.

“Нархи 150 минг рупий турувчи шундай ниқобимиз борки, уни тайёрлаш учун сариқ олтин ҳамда Америка бриллиантлари керак бўлади. Яна бир ниқоб эса оқ олтин ва ҳақиқий бриллиантдан қилиниб, нархи 400 минг рупийни ташкил этади”, дейди дўкон эгаси.

Таъкидланишича, ниқоблардаги бриллиант ёки олтинлар мижознинг хоҳишига кўра олиб ташланиши мумкин.