Футбол тарихида илк марта бош ҳакам оқ карточка кўрсатди

Футбол тарихида илк марта бош ҳакам оқ карточка кўрсатди

Португалиядаги футбол учрашувида тарихда биринчи марта ҳакам оқ карточка кўрсатди. Бу ҳақда Sport Bible нашри хабар бермоқда.

Бу 21 январь куни «Бенфика» ва «Спортинг» аёллар жамоалари ўртасидаги учрашувда (5:0) юз берди. Футболчилардан бири касал бўлиб қолгач, майдонга ҳар икки клубдан тиббий гуруҳлар пайдо бўлди. Шифокорлар спортчининг аҳволини нормаллаштиргандан сўнг, ҳакам уларга кўрсатилган ёрдам учун раҳмат сифатида оқ карточка кўрсатди.

Стадиондаги мухлислар ҳакамнинг қарорини олқишлар билан кутиб олишди. Бироқ, ижтимоий тармоқларда баъзи фойдаланувчилар янгиликни вақтни беҳуда сарфлаш деб ҳисоблашган.

Халқаро футбол федерацияси Португалияда оқ карточкалардан фойдаланишни тажриба тариқасида жорий қилди. Шу тариқа ўйин иштирокчиларига ҳалол ўйин кўрсатгани учун миннатдорчилик билдириш, спортдаги ахлоқий қадриятни ошириш кўзда тутилган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!