Фарғонада жиноят: "Қўнғироқ қилиб олсам майлими?"
Х.Х муқаддам бир неча маротаба, ўғирлик ва фирибгарлик жиноятларини содир этиб, озодликдан маҳрум қилиш жазосини ўтаб чиқиб, ўзига тегишли хулоса чиқармасдан, аксинча, осонлик йўли билан бойлик оттириш мақсадида, жабрланувчиларга тегишли бўлган телефон аппаратларидан вақтинча фойдаланиш масадида сўраб, уларнини алдаб, телефон аппарати билан яришиниб, қочиб кетган.
Жумладан Х.Х. хавфли рецидивист бўлгани ҳолда 2019 йил февраль ойида ўзганинг мулкини алдаш ва ишончини суиистеъмол қилиш йўли билан қўлга киритиш мақсадида, фуқаро И.С. бошқарувида бўлган “Кобалт” русумли автомашинасига йўловчи сифатида ўтириб, уни Фарғона шаҳридаги кўп қаватли уйлар олдига ташлаб қўйишни айтиб, шу уйларни бирида таниши истиқомат қилишини, унга қўнғироқ қилиб олишлигини ёлғондан айтиб, И.С.ни нархи 1.800.000 сўм бўлган “SAMSUNG А-6” русумли телефон аппаратини қўнғироқ қилиш баҳонасида олиб, хайдовчи унга эътибор бермаганлигидан фойдаланиб, ушбу уяли телефон аппаратини ўзи билан олиб кетган, бундан ташқари, Х.Х. ўзининг жиноий ҳаракатларини давом эттириб, худди юқорида алдаш усули билан Х.Х. фуқаро Ш.А. бошқарувида бўлган “Нексия 2” русумли автомашинасига йўловчи сифатида ўтириб, ҳамда фуқаро М.И. бошқарувида бўлган “Матиз” русумли автомашинасига йўловчи сифатида ўтириб, уларга Фарғона шаҳридаги кўп қаватли уйларни олдига олиб боришни айтиб, улардан телефон аппратларини танишларига қўнғироқ қилиб олишини ёлғондан айтиб, телефон аппаратларини олиб, хайдовчилар унга эътибор бермаганлигидан фойдаланиб, ўзи билан олиб кетиб юборган.
Суд, Х.Х.га нисбатан жазо тайинлашда жазони енгиллаштирувчи ҳолати сифатида унинг қилмишидан пушаймонлигини, етказилган зарар қопланганлигини, жабрланувчиларни даъвоси йўқлигини, жазони оғирлаштирувчи ҳолати сифатида жиноятни ғаразли ниятларда содир этганлигини инобатга олиб, унга нисбатан у айбланаётган моддани санкцияси доирасида ахлоқ тузатиш ишлари жазосини тайинлади.
Хулоса қилиб айтганда, фуқароларга телефон аппаратингизни, қўнғироқ қилиш учун берганингизда, эътиборлироқ бўлинг!
А.Инамов, Жиноят ишлари бўйича Фарғона шаҳар судинин судьяси.
