АҚШнинг Ямандаги авиазарбалари оқибатида камида 33 киши ҳалок бўлди, 80 киши яраланди.
Бу ҳақда Яманнинг “Ансор Аллоҳ” ҳаракатидан ҳутий исёнчилар назорати остидаги "Al Masirah" телеканали маълум қилди.
Унга кўра, Ал-Ҳодейда провинциясининг Қизил денгиз соҳилида жойлашган, нефть терминали жойлашган Рас-Иса портига жумага ўтар кечаси ҳаводан ҳужум қилинган. У ерда катта ёнғин чиқди. АҚШ Ҳарбий-ҳаво кучлари камида 14 та рейд ўтказди, улар бомба портлаш жойига тиббий гуруҳлар ва фуқаролик мудофааси ходимлари етиб келганидан кейин давом этди. Ҳусийлар томонидан тузилган ҳукуматнинг Соғлиқни сақлаш вазирлиги маълумотларига кўра, вайроналар тозаланиши билан қурбонлар ва жароҳатланганлар сони ортиб боради. Аввалроқ 17 нафар ишчи ва хизматчи, шунингдек, 5 нафар тез тиббий ёрдам ходими ҳалок бўлгани ҳақида маълумот олинган эди.
Истанбулда Украина билан ўтказилган музокарада Россия ўзининг асосий талабларини маълум қилди. Бу ҳақда Россия делегацияси вакили Владимир Мединский маълум қилди, деб хабар беради Clash Report.
Эстония ҳарбий-денгиз кучлари ва НАТО авиацияси Болтиқ денгизида Россия портига йўл олган Габон байроғи остидаги нефть танкерини қўлга олишга уриниш қилди. Воқеа Фин қўлтиғи сувларида юз берди.
АҚШ молия вазири Скотт Бессент CNN телеканалидаги интервюсида президент Доналд Трамп томонидан жорий этилган янги божлар ва уларнинг истеъмолчиларга таъсири ҳақида фикр билдира туриб, Walmart каби йирик чакана савдо тармоқлари божлардан келиб чиқадиган харажатларнинг бир қисмини ўз зиммасига олиши, аммо бу маҳсулот нархларининг ошишига олиб келиши мумкинлигини таъкидлади.
Нашрнинг ёзишича, Москва ҳозирда Истанбулдаги музокараларнинг энг кам натижасига ҳам рози бўлиши мумкин. Чунки Россиянинг ҳозирги тактикаси АҚШни ҳаддан ташқари ғазаблантирмаслик учун тинчлик жараёнига тайёрлигини кўрсатишдан иборат.
Нашр мухбири маълумот беришича, Истанбулдаги музокараларда Россия делегацияси, жумладан Владимир Мединский, Украина томонига Харкив ва Суми областларини босиб олиш билан таҳдид қилган.
АҚШ 2025 йил охирига қадар Европа қитъасидаги ҳарбий контингентини қисқартириш бўйича музокараларни бошлайди. Бу ҳақда НАТОдаги АҚШ доимий вакили Мэттю Уитакер маълум қилди.