ЕТТБ ва ХМК Ўзбекистондаги ТиБиCи Банк акцияларига эга бўлмоқда
Европа тикланиш ва тараққиёт банки (ЕТТБ) ва Халқаро молия корпорацияси (ХМК) Лондондаги фонд биржаcида рўйхатдан ўтган ҳамда Грузиядаги энг йирик молиявий ташкилот ҳисобланган “TBC Bank Group”нинг “TBC Bank Uzbekistan”га тегишли акцияларига эга бўлган ҳолда Ўзбекистоннинг банк секторидаги хусусий сектор иштирокига жалб қилинмоқда. Мазкур инвестициялар Ўзбекистонда рақамли молиялаштиришни мустаҳкамлаш ва шу билан бирга мамлакатда молиявий хизматлардан фойдаланиш даражасини кўтаришга қаратилган.
Икки молиявий инвесторлар, яъни ЕТТБ ва ХМК ҳар бири TBC UZнинг 20 фоизгача бўлган улушига эга бўлишни режалаштирган. Ушбу киритилаётган инвестициялар бозорнинг хусусий секторида фаолият юритиб келаётган янги иштирокчи операцион фаолиятининг давомий ўсишига ёрдам беради ва мазкур секторда корпоратив бошқарувнинг халқаро стандартларини қўллаб-қувватлайди. Инвесторларнинг ҳар бири учун бадал миқдори 9.4 миллион AҚШ долларни ташкил этади, бунда асосий мақсад 2022-2024 йиллар мобайнида унинг келажакдаги капиталига ижобий таъсир кўрсатишдир.
TBC UZ Ўзбекистондаги биринчи рақамли банк бўлиб, у 2020 йил октябр ойидан бошлаб ўз фаолиятини юрита бошлаган ва шу вақтдан бошлаб жадал суратларда ривожланиб келмоқда. Бугунги кунда у 7 та янги авлод филлиаллари ёрдамида, шунингдек, Ўзбекистоннинг 12 та шаҳарларида очилган 34 та мижозларни қўллаб-қувватловчи шаҳобчалари орқали ўз фаолиятини юритиб келмоқда. TBC UZ инновацион молиявий маҳсулотларини тақдим этган ҳолда, 630,000 дан ортиқ рўйхатдан ўтган жисмоний фойдаланувчиларига биринчи даражали банк хизматларини тақдим этиб келяпти. Яқин келажакда кичик бизнес сегментини кенгайтириш ҳам режалаштирмоқда.
“Йигирма йиллик муддат ичида бизни иккиланмай қўллаб келган ХМК ва ЕТТБ билан биз узоқ муддат давомида муваффақиятли ҳамкорликга эга бўлганмиз. Мен ушбу фаолиятимизнинг кейинги ҳаяжонли босқичини биз билан бошлагани учун ЕТТБ ҳамда ХМКга ўз миннатдорчилигимни изҳор этмоқчиман. Мазкур қўшма келишув Ўзбекистондаги фаолиятимизни кенгайтиришда яна бир муҳим босқични белгилаб беради, шу билан бирга мамлакатдаги ўсиш даражасини тезлаштиради ҳамда Ўзбекистон аҳолисига инновацион ва оммабоп маҳсулотлар турини таклиф этади. TBC UZ ўзининг инновацион молиявий ҳамда технологик “Space” платформаси асосида катта муваффақият билан фаолият кўрсатиб, мобил иловаси ёрдамида банк ечимларини таклиф этади." - дея таъкидлади ТиБиCи Банкнинг Бош директори Ваҳтанг Буцкҳрикидзе
ХМКнинг Европа ва Марказий Осиё бўйича директори Вибке Шлемер шундай деди: "Биз TBC Bank Group билан ҳамкорлигимизни янада ривожлантиришда давом эттирмоқчимиз. ХМК TBCнинг Ўзбекистон бўйлаб инновацион ва технологик ечимларга асосланган банк хизматларини кенгайтиришдаги саъй-ҳаракатларини қўллаб-қувватламоқда. Ушбу киритаётган инвестициямиз Ўзбекистон банк секторида хусусий сектор иштирокининг улушини кўпайтиради ва бозорнинг рақобатбардошлигини оширишга кўмаклашиш стратегиямизга мос келади”.
Aлкис Дракинос, ЕТТБнинг Ўзбекистондаги ваколатхона раҳбари қуйидагиларни таъкидлади: "2017 йилдан ЕТТБнинг мамлакат билан ҳамкорлиги янгиланганидан буён Ўзбекистондаги банк секторига биринчи марта акционерлик капиталига сармоя киритмоқда. TBC бизнинг узоқ йиллар давомида биз билан ишлаб келган ишончли ҳамкоримиздир. Биз маҳаллий банк секторида хусусий капитал улушини ошириб, Ўзбекистонда унинг кенгайишини қўллабқувватлашдан жуда мамнунмиз. Биз рақобатни қўллаймиз ва бу ҳаммага фойда келтиради деб умид қиламиз”.
TBC ҳақида
TBC Bank Group - бу Лондон фонд биржасида рўйхатга олинган масъулияти чекланган жамиятдир – TBC Bank холдинг компанияси ва Грузияда асосан молиявий сектор ва бошқа яқин соҳаларда фаолият юритадиган компаниялар гуруҳидир.TBC ўз шўъба корхоналари билан биргаликда Грузиядаги етакчи универсал банк гуруҳи бўлиб, умумий бозор улуши мижозлар кредитларининг 38,1 фоизини ва мижозлар депозитларининг 37,8 фоизини ташкил этади. Одамларнинг ҳаётини енгиллаштириш вазифаси бўлган технологияга асосланган компания сифатида TBC чакана, корпоратив ва микро, кичик ва ўрта корхоналардан (МСМЕ) иборат бўлган барча асосий бизнес йўналишларида устун ўринларни эгаллайди. Компаниянинг молиявий хизматлари анъанавий банк таклифларини, шунингдек, саноатнинг замонавий ечимларини ўз ичига олади. 2020 йилда TBC PLC Ўзбекистондаги фаолиятини ўз мижозларига хизмат кўрсатувчи инновацион молиявий ва технологик “Space ”платформаси орқали кенгайтирди ва мобил иловаси орқали банк ечимларини таклиф қилди.
Қўшимча маълумот учун:
https://www.tbcbankgroup.com https://www.tbcbank.ge/web/en
Facebook: @tbcbankuz (https://www.facebook.com/tbcbankuz)
Instagram: @tbcbankuzbekistan (http://instagram.com/tbcbankuzbekistan)
Telegram: @tbc_bank_uzb (https://t.me/tbc_bank_uzb)
Web: tbcbank.uz (https://tbcbank.uz/ru/)
Call center: 24/7: +998 (78) 777-27-27
ХМК ҳақида
ХМК - Жаҳон банки гуруҳининг аъзоси - ривожланаётган бозорларда хусусий секторга йўналтирилган энг йирик глобал ривожланиш институти ҳисобланади. Биз ривожланаётган мамлакатларда имкониятлар яратиш учун капиталимиз, тажрибамиз ва таъсиримиздан фойдаланиб, 100 дан ортиқ мамлакатларда ўз фаолиятимизни олиб борамиз. 2021 молиявий йилда ХМК ривожланаётган мамлакатлардаги хусусий компаниялар ва молия институтларига рекорд даражадаги 31,5 миллиард доллар ажратди, иқтисодиёт КОВИД-19 пандемияси таъсири остида бўлганлиги сабабли, қашшоқликни тугатиш мақсадида хусусий сектордан фойдаланиб, умумий фаровонликни ошириш имкониятларини тақдим этади. Қўшимча маълумот олиш учун www.ifc.org сайтига ташриф буюринг.
Aлоқада бўлинг:
www.facebook.com/IFCwbg www.twitter.com/IFC_org www.youtube.com/IFCvideocasts www.ifc.org/SocialMediaIndex www.instagram.com\ifc_org
ЕТТБ ҳақида
ЕТТБ - учта қитъанинг 38 та давлатда хусусий сектор ва тадбиркорлик ташаббусини ривожлантиришга кўмаклашувчи банк. Банк 69 мамлакатга, шунингдек, Европа Иттифоқи ва ЕИБга тегишли. ЕТТБ сармоялари ўз минтақаларида иқтисодиётни рақобатбардош, инклюзив, яхши бошқариладиган, барқарор ва бирлаштиршга қаратилган. Бугунги кунга қадар ЕТТБ Ўзбекистондаги 101 та лойиҳага деярли 2,6 миллиард Евро сармоя киритди.
