Эртага Ўзбекистоннинг айрим ҳудудларида ҳарорат -13 гача тушади

Гидрометеорология хизмати маркази берган маълумотга кўра, эртага, 15 ноябрь куни мамлакат бўйлаб қуйидагича об-ҳаво кузатилади.
 
Тошкент шаҳри ва Тошкент вилоятида ҳаво ҳарорати кечаси -3...-1, кундузи +8...+10 даража бўлади. Шамол тезлиги 3-8 м/сга етади.  Ҳаво булутли бўлиб, ёғингарчилик кутилмайди.
 
Фарғона водийсида ҳаво  кечаси -5...0, кундузи +5...+10 даража бўлиши кутилмоқда. 3-8 м/с тезликда шамол эсиб, ёғингарчилик кутилмайди.
 
Сирдарё, Жиззах ва Самарқанд вилоятларида ҳаво ҳарорати кечаси -5...0, кундузи +5...+10 даража бўлиб, ҳаво ўзгариб туради, 3-8 м/с тезликда шамол эсади.
 
Бухоро ва Навоий вилоятларида ҳаво ҳарорати кечаси -7...-2, кундузи +5...+10 даража бўлади. Ҳаво бироз булутли бўлиб, шамол тезлиги 3-8 м/сга етади.
 
Сурхондарё ва Қашқадарё вилоятларида ҳаво ҳарорати кечаси -5...0, кундузи +8...+13 даражагача кўтарилади. Шамол тезлиги 3-8м/сга етади. Ёғингарчилик кутилмайди.
 
Қорақалпоғистон Республикаси ва Хоразм вилоятида ҳаво ҳарорати кечаси -11...-6, кундузи 0...+5 даража бўлади. Шамол тезлиги 5-10 м/сни ташкил этади. Ҳаво булутли бўлиб, ёғингарчилик кутилмайди.
 
Қамчиқ довони ва Чимёнда кечаси -13...-8, кундузи эса -7...-2 даража бўлади. 3-8 м/с тезликда шамол эсади.