Дэвид Бекхэм: “Месси ва Роналду ҳали ҳам фантастик формада”
“Манчестер Юнайтед” ҳамда “Реал Мадрид” афсонаси, АҚШнинг “Интер Майами” клуби эгаси Дэвид Бекхэм жамоаси ва унга жалб қилиниши мумкин бўлган футболчилар борасида гапирди.
“Барча инсонларда ўзларининг орзу ва истаклари жам бўлган рўйхати бўлади. Менда ҳам шундай. Месси ва Роналдунинг ҳали ҳам фантастик формада экани, юқори савияли футбол кўрсатаётганини инобатга олсак, улар кунботар тарафларда фаолиятини якунлаши яхшироқ бўлар эди.
Аммо мен иккаласида ҳам ҳали бутсиларини михга илиши ёки карьераси якунланаётганининг бирон белгисини кўрмаяпман. Улар шундай даражада ўйнашмоқдаки, ҳозирги клубларидан кетишларига ишониш қийин. Аммо сиз ҳам, мен ҳам футболда нима бўлиши мумкинлиги ҳақида ҳеч қачон ҳеч нарса била олмаймиз”, – деган Бекхэм.
Маълумот ўрнида, Дэвид Бекхэмнинг “Интер Майами” клуби келаси мавсумдан бошлаб MLSда иштирокини бошлайди. Шу муносабат билан Дэвид ўз жамоасига бир қатор юлдузларни таклиф этган. Аввалги интервьюларида у Лионел Месси ҳамда Криштиану Роналдуни ўз клубида кўришни жуда хоҳлаётганини айтган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
