Дана Уайт барча даврларнинг уч нафар энг яхши жангчисини айтди. Улар...

Дунёнинг энг катта промоушени президенти Дана Уайт аралаш яккакураш тарихидаги энг яхши уч жангчи ким деган саволга жавоб берди.

"Мен бу учликка Андерсон Сильва, Жорж Сент-Пьерр ва Жон Жонсни киритаман. Бу триога Камару Усман яқинлашиб келяпти", - деди UFC раҳбари The Dave Portnoy Show подкастининг навбатдаги сони эфирида.

Дана Уайт томонидан тилга олинган Андерсон Сильва ва Жорж Сент-Пьерр аллақачон ўз фаолиятларини якунлашган. 46 ёшли бразилиялик ҳозирда профессионал боксда ўзини синаб кўряпти. Жон Жонс эса шу йил UFC оғир дивизионида дебют қилиши мумкин. У катта эҳтимол билан Фрэнсис Нганну - Сирил Ган чемпионлик жанги ғолиби билан октагонда тўқнаш келади.