Бу йил контракт миқдорида ҳеч қандай ўзгариш йўқ

Айни пайтда АОКАда карантин даврида қабул жараёнини ташкил этиш масалаларига бағишланган  брифинг давом этмоқда.

 Иномжон МАЖИДОВ, Олий ва  ўрта махсус таълим вазири:

- Контракт миқдорида ҳеч қандай ўзгариш йўқ. Бу  меҳнатга ҳақ тўлашнинг энг кам миқдорига боғланган. Бу миқдор ўз-ўзидан ўзгармайди. Ҳозирги базавий контракт миқдори шартли равишда қўйилган. Бу таълим харажатларини қопламайди. 

Ўзини ўзи молиялаштирадиган олий таълим муассасалари, аслида, харажатларга мувофиқ бу тўловларни ошириши керак эди. Лекин улар ҳам контракт миқдорларини ўзгартирмасликка қарор қилишди.