Bild: Зеленский фронтнинг айрим қисмларида ўт очишни тўхтатишга рози бўлган

Bild нашрининг хабар беришича, Зеленский фронтнинг айрим қисмларида ўт очишни тўхтатишга рози бўлган. Украина президенти идораси буни ёлғон деб атади.

Нашрнинг ёзишича, Володимир Зеленский яқин бир неча ҳафта ичида АҚШ расмийларига Россия билан урушдаги стратегиясини тақдим этади.

"Режа Россияга чуқур зарбалар бериш учун Ғарб қуролларидан фойдаланишга рухсат бериш талабини ҳам, Украинанинг фронтнинг айрим қисмларида маҳаллий ўт очишни тўхтатишга тайёрлигини ҳам ўз ичига олади", деб ёзади газета.

Украина президенти маслаҳатчиси Дмитрий Литвин Билд нашри чоп этган маълумотни фейк деб атади ва Украина" ҳар қандай даражада ва шаклда урушни музлатишга қарши" эканини таъкидлади.