Ана холос! Украинада ПЗР-тестларнинг 30 фоизи янглиш салбий натижа кўрсатмоқда
ПЗР-тестдан ўтказиш COVID-19’га чалинган беморларнинг 30 фоизида коронавирусни аниқламайди. Бу ҳақда Украина соғлиқни сақлаш вазири Максим Степанов брифингда маълум қилди.
Шу туфайли Украинада касалликнинг клиник белгилари бўлган беморларгина касалхонага ётқизилмоқда ва даволанмоқда.
Степановнинг қўшимча қилишича, коронавирус ПЗР-тестлар орқали аниқ ташхисланмаслигининг бир нечта сабаблари бор.
«Бу материал йиғиш, организмнинг физиологик ўзига хосликлари билан боғлиқ. Шу жумладан, ПЗР усули орқали диагностика учун суртма олиш вақтида вирус қаерда бўлишига ҳам боғлиқ», — дея аниқлик киритди вазир.
Матнда хатолик топсангиз, ўша хатони белгилаб, бизга жўнатинг (Ctrl + Enter).
