"Ан-Наср" Роналду билан "Персеполис"ни мағлуб эта олмади, аммо Осиё Чемпионлар Лигаси плей-оффига чиқди

27-ноябр куни ОЧЛ гуруҳ босқичининг 5-туридан ўрин олган Саудиянинг “Ан-Наср” ҳамда Эроннинг “Персеполис” клублари ўртасидаги учрашув бўлиб ўтди. “Ан-Наср” “Персеполис” билан 0:0 ҳисобида дуранг ўйнади ва Саудия Арабистони жамоасининг португалиялик ҳужумчиси Криштиану Роналду 78 дақиқани майдонда ўтказди.

Учрашувнинг 17-дақиқасида “Ал-Наср” футболчиси Али Лажами қизил карточка олди. Учрашувнинг биринчи бўлими голларсиз ўтди. Иккинчи бўлимда ҳам вазият ўзгармади – ҳар икки жамоа ҳам гол уришга ҳаракат қилишди, аммо натижа бўлмади – ўйин 0:0, голсиз дуранг билан якунланди.

Ушбу ўйин натижасига кўра, “Ал-Наср” бешта учрашувдан кейин 13 очкога эга. Криштиану Роналду жамоаси биринчи ўринни сақлаб қолди ва ОЧЛ плей-офф босқичига йўл олди. “Персеполис” бешта ўйинда саккиз очко жамғариб, “E” гуруҳида иккинчи ўринда қолди.