АҚШ Хитойнинг яна 37 компаниясига қарши санкциялар киритди

АҚШ Савдо вазирлиги квант ва ядровий энергия технологиялари, шунингдек, учувчисиз самолётлар билан шуғулланувчи 37 Хитой компаниясини экспорт назорати қоидаларига бўйсунадиган ташкилотлар рўйхатига киритди.

Департамент баёнотига кўра, ушбу тузилмаларга АҚШнинг миллий хавфсизлиги ва ташқи сиёсати манфаатларига зид бўлган фаолияти муносабати билан чекловлар қўлланилган.

Қайд этилганидек, рўйхатдаги 22 компания Пекиннинг квант тадқиқотларини илгари суриш ҳаракатлари ёки квант ҳисоблашлари учун Америка технологияларини қўлга киритишга уринишлари билан бевосита боғлиқ.

АҚШ Савдо вазирлиги ушбу компанияларнинг баъзилари Хитойнинг ядровий дастурларини амалга ошириш билан ҳам боғлиқлигини таъкидлади ва «Россия Украинага бостириб киргандан сўнг, улар назорат остида бўлган бир қатор материалларни бу мамлакатга ўтказди».

Рўйхатга яна 11 та компания киритилди, чунки улар АҚШ ҳаво ҳудудидан топилган Хитой ҳаво шарларини ишлаб чиқариш билан шуғулланган.

Қолган тўртта компания ҳарбий учувчисиз самолёт тизимларида фойдаланиш учун АҚШ квант технологиясини олишга ҳаракат қилган.