Алишер Усмонов Тошкентда Хулио Иглесиаснинг бепул концертини ташкил қилди

Испаниялик таниқли қўшиқчи Хулио Иглесиас ўзининг юбилей турини Тошкентда концерт бериш билан бошлади, деб ёзади UzNews.

Ижодининг 50 йиллиги шарофати билан ташкил қилинган гастроль сафари доирасида Хулио Иглесиас 10 сентябрь куни Халқлар дўстлиги саройи саҳнасида куйлади.

Концерт таниқли меценат Алишер Усмонов кўмагида бўлиб ўтди, чипталар бепул тарқатилди. Таъкидланишича, бу испан қўшиқчисининг ўзбек мухлислари билан иккинчи учрашуви бўлди.

Эслатиб ўтамиз, 2017 йил 28 декабрь куни Хулио Иглесиаснинг ўғли — Энрике Иглесиас илк марта Ўзбекистонга ташриф буюриб, «Истиқлол» санъат саройида концерт дастурини тақдим этган эди.

Manba: daryo.uz