9 июнь санасида содир бўлган муҳим тарихий воқеалар

1247 йил— Мўғуллар империясининг пойтахти Қорақурумга етиб борган илк европаликлардан бири италиялик сайёҳ ва роҳиб Жованни да Плано Карпини Киевга қайтган;

1762 йил— Россия империяси Пруссия билан иттифоқ тузган;

1815 йил —Вена конгресси якунланган, у Наполеон урушларидан кейин янги Европа дунё тартибини белгилаб берган. 1814 йил сентябрдан 1815 йил июнигача Венада австриялик дипломат Граф Меттернич бошчилигида бўлиб ўтган Конгрессда Усмонли империясидан ташқари барча Европа давлатлари вакиллари иштирок этишган;

1822 йил— АҚШда Чарлз Греҳем сунъий жағни патентлаган;

1885 йил—Хитой Ҳинди-хитой устидан француз протекторатини тан олган;

1887 йил— Верний шаҳрида (ҳозирги Олмаота) зилзила юз берган, тахминан 800 киши ўлган;

1889 йил — Римда Жордано Бруно ёқилган жойда унга ёдгорлик ўрнатилган;

1923 йил— Болгариядаги ҳарбий тўнтариш содир бўлган;

1934 йил— Donald Duck иштирокидаги биринчи мультфильм чиққан;

1941 йил — Учинчи рейхда СССРнинг босиб олинган ҳудудларини эксплуатация қилиш учун "Шарқ" штаб-квартираси ташкил этилган;

1959 йил— бортида баллистик ракеталари бўлган илк сувости кемаси— Американинг "Жорж Вашингтон" кемаси ишга туширилган;

1963 йил—Уинстон Черчилл АҚШнинг фахрий фуқароси дея эълон қилинган;

1993 йил —Стивен Спилбергнинг "Юра даврига саёҳат" фильми экранларга чиққан;

1994 йил— Қозоғистон Президенти Нурсултон Назарбоев пойтахт Олмаотадан Акмолага (собиқ Целиноград, 1998 йилдан— Остона) кўчирилишини эълон қилган;

1995 йил — Сочида Украина президенти Леонид Кучма ва Россия президенти Борис Елцин Қора денгиз флотини бўлиш тўғрисидаги битимни имзолаган;

1995 йил— Миллий тикланиш демократик партияси Адлия вазирлиги томонидан рўйхатга олинган;

1995 йил— "Халқ бирлиги" ҳаракати Адлия вазирлиги томонидан рўйхатга олинган;

2000 йил — Владимир Путин Чеченистонда тўғридан-тўғри президент бошқарувини жорий қилган.