12 хил дори, антибиотикли ва гормонли осма уколлар — коронавирусдан вафот этган бемор тарихи
Тошкент врачлар малакасини ошириш институти доценти Дилфуза Ҳасанова коронавирусга чалиниб, танишининг тавсияси билан 12 хил дори, антибиотикли ва гормонли осма уколлар олиб, ўпкаси 80 фоизга зарарланган ва нафас етишмовчилигидан вафот этган бемор ҳақида сўзлаб берди:
"Вафот этган бир беморнинг касаллик тарихи ҳақида маълумот бермоқчиман. Бу бемор 63 ёшли отахон, 10 йил давомида қандли диабет билан оғрига, ёндош гипертоник касаллиги ва семизлик бўлган. 22 июль куни тана ҳарорати кўтарилиши, бироз йўтал, ҳолсизлик кузатилган.
Бемор ҳудудий поликлиникага эмас, ўзининг оилавий таниш шифокорига мурожаат қилган. Шифокор ташхис қўйиш учун отахонни МСКТ (томография) таҳлилига жўнатган. Ўпкада икки томонлама пневмония аниқланган, ўпка тўқимасининг 50-60 фоизи зарарланган бўлган.
Шифокор отахонга жуда кўп, 12 хил турдаги дори муолажаларини тайинлаган. Бунда осма уколларга қўшилган гармон препаратлари, 3 та антибиотик кетма-кет, бирваракайига буюрилган. Отахон бу муолажаларни 22 июлдан 5 августга қадар олиб, аҳволи яхшиланмаган. Аксинча, беморда ўткир нафас етишмовчилиги, бўғилиш, ҳансираш белгилари пайдо бўлган. Юрак уриш сони 30 дан ошиб кетган.
Кейин ташхислаш учун яна МСКТ ўтказилган. Таҳлил натижасида аҳвол яхшиланиши ўрнига, ўпканинг энди 70-80 фоизи зарарлангани маълум бўлган. Отахон ўта оғир аҳволда коронавирусга ихтисослашган клиникага олиб борилиб, реанимацияга ётқизилган. Зудлик билан сунъий нафас бериш аппаратига уланган. Шифокорларнинг тезкор чораларига қарамай, отахон вафот этган",
