Yaponiyada yangi virus — "Yezo" aniqlandi. U nimadan yuqadi?

Yaponiyalik olimlar noma’lum infeksiya keltirib chiqargan yangi kasallikni kashf qilishdi. Mutaxassislar "Yeso" deb nomlagan yangi virus kana chaqishi orqali yuqadi. Tadqiqot natijalari Nature Communications jurnalida chop etilgan.

2014 yilda Yaponiyada noma’lum patogen bilan kasallanishning birinchi holatlari qayd etilgan. 2020 yilgacha shunga o‘xshash alomatlarga ega bo‘lgan yetti bemor qayd etilgan. Kasallikning borishi isitma bilan xarakterlanadi, bemorlarning qonida leykositlar va trombositlar soni kamayadi.

Yaponiyalik tadqiqotchilar virusni ikkita bemorning qon namunalaridan ajratib olishdi, bu esa patogenni genetik tahlil qilish imkonini berdi. Olimlar aniqlanishicha, yuqtirganlarning qonida ortonairoviruslar turkumidan ilgari noma’lum bo‘lgan qo‘zg‘atuvchi bor. Bu turga Qrim-Kongo gemorragik isitma virusi ham kiradi.

2019 yilda Xokkaydo orolidagi kasalxonaga kana chaqqanidan keyin isitmasi ko‘tarilgan ikkita bemor keldi. Qon tekshiruvi tishlangan odamlarga noma’lum virus yuqtirganini ko‘rsatdi. Shundan so‘ng, olimlar 2014 yildan beri shunga o‘xshash alomatlar bilan og‘rigan bemorlarning qon namunalarini qayta tekshirishdi. Tadqiqotchilar "Yeso" infeksiyasining yetti holatini aniqladilar.