Xorazmda ekilgan kannabisning foydali tomonlari aytildi

Texnik kannabisdan paxtaga nisbatan 4 barobar ko‘p sellyuloz olinadi. Bu haqda Qishloq xo‘jaligi matbuot kotibi Nigora Xo‘jayeva AOKAda bo‘lib o‘tgan brifingda ma’lum qildi.

— Kannabis eng tez o‘suvchi ekinlardan biri bo‘lib, paxta bilan solishtirganda, 1 gektardan 4 barobar ko‘p sellyuloz olinadi;

— o‘simlikka qishloq xo‘jaligi kimyoviy preparatlari nisbatan kamroq ishlatiladi;

— suvni ancha kam talab qiladi, atrof-muhitni ifloslanishlardan tozalash imkonini beradi;

— aylanmadan chiqib qolgan yerlarni tiklash uchun tuproqdan qadimiy va boshqa zaharli moddalarni chiqarib olishda foydali;

— 110 kun ichida o‘simlik 2-3 metrga yetadi va bu bir mavsumda bir nechta hosil olish imkonini beradi;

— jahonda 40 dan ortiq davlatda texnik kannabisdan sanoat maqsadlarida foydalanib kelinmoqda.

Texnik kannabis tarkibida 0,2 foizgacha miqdorda tetragidrokannabinol giyohvandlik moddasi mavjud;

— Xovos tumanida ekilgan nav Fransiyadan keltirilgan bo‘lib, uning tarkibida giyohvand juda kam miqdorni tashkil etadi. Bu esa tirik organizmga hech qanday narkotik ta’sir ko‘rsatmaydi.