Armanistonda xokkey bo‘yicha jahon chempionati IV divizion bahslari davom etmoqda. Bugun divizion doirasida 3-tur o‘yinlari o‘tkazildi.
O‘zbekiston terma jamoasi Eron ustidan 20:0 hisobida g‘alaba qozondi. Ammo bu g‘alaba vakillarimiz keyingi divizionga chiqish uchun yetarli bo‘lmasdi. Boisi, jamoamiz 2-turda Armanistonga qarshi o‘yinda katta ustunlikka ega bo‘lganiga qaramay, bullitlar seriyasida imkoniyatni boy berib qo‘ygandi. Shundan so‘ng, juda ko‘pchilik ushbu divizionda Armaniston g‘olib chiqishini taxmin qila boshladi.
Ammo mezbonlar bugun Kuvaytga qarshi o‘yinda o‘ziga kerakli natijani qayd eta olmadi. Kuvaytliklar ikkinchi bo‘lim o‘rtalariga kelib, raqib darvozasiga 4 ta shayba yo‘llashga ulgurdi. Shundan so‘ng Armaniston "uyg‘ondi" va raqib darvozasi tomon bosim uyushtira boshladi. Ular ikkinchi taym oxirigacha 2 ta gol urishga erishishdi.
Uchinchi bo‘lim boshida armanistonliklar uchinchi golni urishgan bo‘lsa, mezbonlar hisob tenglashtiruvchi golni asosiy vaqt tugashiga 2 daqiqa qolganida kiritishdi — 4:4.
Uchinchi bo‘lim so‘ngida kuvaytlik xokkeychi qoida buzgani uchun mehmonlar overtaymni bir kishi bo‘lib boshlashdi. Armaniston esa bu ustunlikdan foydalana olmadi. Kuvaytlik xokkeychi maydonga tushib, jamoalar son jihatdan tenglashgach, mehmonlar qarshi hujumga o‘tishdi va kuchli yo‘llangan zarba natijasida shayba Armaniston darvozasiga kirib ketdi. Kuvayt g‘alaba qozondi — 5:4.
Ushbu g‘alabadan keyin Kuvaytning ochkolari 5 taga yetgan bo‘lsa, Armaniston 6 ochko bilan 2-o‘rinni egallab turibdi. O‘zbekiston esa 7 ochko bilan guruh peshqadamiga aylandi. Xokkeychilarimiz Indoneziya (17 aprel) va Malaysiz (19 aprel) ustidan g‘alaba qozonsa, jahon chempionatining III divizioni "B" guruh yo‘llanmasini qo‘lga kiritadi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!
Маълумотларга кўра, Эстония ҳарбийлари кемага икки марта вертолёт орқали десант туширишга уринган. Шунингдек, улар тактик авиация ёрдамига ҳам таянган.
Европа Иттифоқи Ҳарбий қўмитаси раҳбари Роберт Бригер маълум қилишича, ҳозирда Европа Иттифоқида Россия нефтини ташиётган танкерларни ушлаб қолиш операциясини бошлаш учун етарли ресурслар мавжуд эмас.
Бу ҳақда Россия туроператорлари ассоциацияси директори Майя Ломидзе “Марказий Осиёга Uzbekistan Airways қанотларида” биринчи йиллик форумида айтиб ўтди.
Украина президенти Володимир Зеленский Россия назоратидаги вақтинча оккупация қилинган ҳудудлар бўйича ҳеч қандай юридик тан олиш бўлиши мумкин эмаслигини қатъий таъкидлади.