Xelsinki Stokgolm bilan birgalikda NATOga qo‘shilish tarafdori
Finlyandiya NATOga alohida emas, Shvesiya bilan birga kirishga intilmoqda. Bu haqda Finlyandiya tashqi ishlar vaziri Pekka Xaavisto Turkiya prezidenti Rajab Toyyib Erdo‘g‘onning Skandinaviyadagi ikki davlatning harbiy-siyosiy blokka qo‘shilish haqidagi arizalari Anqara tomonidan alohida ko‘rib chiqilishini istisno etmagan bayonotlarini izohlar ekan, aytib o‘tdi.
“Prezident Erdo‘g‘onning nutqidan biz Turkiyaning Finlyandiyaning NATOga a’zo bo‘lish jarayonini tezlashtirishga qaratilgan qarashlari bor degan xulosaga keldik”, dedi dushanba kuni diplomatiya rahbari.
Uning so‘zlariga ko‘ra, shunga qaramay, Finlyandiya Shvesiya bilan birga NATOga a’zo bo‘lishga intilmoqda.
Xaavistoning fikricha, Xelsinki va Stokgolm so‘nggi 10 oy ichida Alyansga qo‘shilish yo‘lida ijobiy qadamlar tashlagan. “Shvesiya mudofaa va tashqi siyosat sohasidagi eng yaqin ittifoqdoshimizdir”, deb esladi u.
Finlyandiya diplomatining ishonchi komilki, Finlyandiya va Shvesiyaning a’zoligi ma’qullanishi NATOga a’zo barcha mamlakatlarga foyda keltiradi.
Vazir, shuningdek, Turkiya Prezidentining bayonotidan so‘ng Turkiyadan hamkasblari Mevlut Chavusho‘g‘li va Shvesiyadan Tobias Bilstryom bilan maslahatlashuvlar o‘tkazganini aytdi.
Xelsinki Turkiyaning Finlyandiyaning NATOga a’zolik arizasini ma’qullashini qancha kutishga tayyorligi haqidagi savolga Xaavisto shunday javob berdi: “Biz bu masalaga sabr qilamiz. Bizga xavfsizlik sohasida majburiyatlar berildi. Albatta, ular NATO Nizomining 5-moddasi bilan bir xil emas, lekin ular biz uchun juda muhim”, - deya tushuntirdi u.
