Vitaliy Klichko: Vladimir Zelenskiy o‘z xatolari uchun badal to‘layapti
![Vitaliy Klichko: Vladimir Zelenskiy o‘z xatolari uchun badal to‘layapti Vitaliy Klichko: Vladimir Zelenskiy o‘z xatolari uchun badal to‘layapti](/photos/news/ZsnxHLGGunpFIDH.jpeg)
Kiyev meri Vitaliy Klichko Vladimir Zelenskiy o‘z xatolari uchun badal to‘layapti, deb hisoblaydi.
Shveysariyaning 20 Minuten portaliga bergan intervyusida u Zelenskiyning armiya oldidagi obro‘sining pasayib borayotganidan ajablanmasligini aytdi. Siyosatchiga ko‘ra, odamlar kim samarali, kim samarali emasligini ko‘ra oladi.
"Ko‘p umidlar bor edi va haliyam bor, albatta. Zelenskiy o‘zi qilgan xatolari uchun badal to‘layapti", — dedi Klichko.
Shuningdek, Klichkoning Ukraina prezidenti lavozimiga nisbatan siyosiy ambisiyalari bormi, degan savolga Kiyev meri hozir bu haqda o‘ylash “ahmoqlik” ekanini aytdi.
"Bugun biz faqat Ukraina umuman mavjud bo‘lib qolishi yoki qolmasligi haqida o‘ylayapmiz", — dedi Klichko.