O‘zbekistonliklar eng ko‘p qaysi emojidan foydalanishmoqda?
«Quvonch ko‘z yoshlari yuzi» yoki «yig‘lab kulayotgan yuz» emojisi dunyo bo‘ylab 75 mamlakatda eng ko‘p ishlatiladigan emoji deya topildi. Bu haqda Crossword-Solver nashri ma’lum qildi.
Tadqiqotlarga ko‘ra, Markaziy Osiyo davlatlari, xususan, O‘zbekiston, Qirg‘iziston, Eron, Ozarbayjon, Iroq, Turkiya, Yaman mamlakatlarida yashovchilar ijtimoiy tarmoqlarda eng ko‘p «kulayotgan», Afg‘oniston, BAA, Oman, Iordaniya, Isroil, Livan, Suriya mamlakatlari aholisi esa qizil yurak emojilarini ishlatadi.
Shuningdek, Turkmaniston va Tojikiston aholisi o‘zining davlat bayrog‘i tasvirlangan emojidan eng ko‘p foydalansa, Qozog‘istonda pushti rangli yurak emojisi ommalashgan. Qirg‘iziston, Eron, Iroq, Turkiya ham «yig‘lab kulayotgan yuz» smayligini eng ko‘p ishlatishi ma’lum bo‘lgan.
