O‘zbekiston terma jamoasi ustozi: «Bugungi kambekning qiymati yuqori»

JCH-2026 hamda Osiyo kubogi-2027 qo‘shma saralashi, 2-bosqich saralashi doirasida O‘zbekiston hamda Eron bahsi o‘z nihoyasiga yetdi.

Uchrashuvdan so‘ng tashkil qilingan mabuot anjumanida Srechko Katanes ishirok etdi hamda o‘z fikrlari bilan o‘rtoqlashdi.

«Hammaga xayrli kech. Zaxiramizdan xursand bo‘ldim. Biroq Eronga qarshi qiyin bahsda kambek amalga oshira oldik. Birinchi bo‘limdan qoniqish hosil qilmadim. Hech narsa qila olmadik. Ular ikkita vaziyatni golga aylantira oldi. Ammo bugungi kambekning qiymati yuqori. Barchamiz xursandmiz.

Qizil kartochka bo‘yicha qarorda hakamni ayblay olmayman. Barchasi hissiyotlar natijasida yuzaga keladi. Biroq hissiyotlarni jilovlay olish ham muhim. Raqib bizni bunga majbur qildi. Shunga qaramay ritmdan chiqib ketmadik. Bu unchalik muhim bo‘lmagan vaziyat. Murabbiylarning ishlash holati oddiy, barchaga tushunarli, eronliklar doim shunaqa qilgan.

Jamoa tanaffusga chiqqanida katta motivasiya berdim. Ko‘proq to‘pni harakatga keltirishni tushuntirdim. Tezroq qaror qabul qilish muhim edi. Raqibga ko‘proq yaqin o‘ynashni alohida futbolchilarga ta’kidladim.

Bugungi o‘yindan qoniqish hosil qildim. Futbolchilarning tezkor reaksiyasi meni xursand qildi. Birinchi bo‘limdan so‘ng yirik hisob bo‘lib ketishi mumkin edi. Biroq amalladik natijani saqlab qolishni. Saralashlarda durang biroz xafa qilishi mumkin. G‘alaba uchun o‘ynagandik. Vaziyatlardan raqib ham, biz ham yetarlicha foydalana olmadik. Chet eldagi o‘yinchilarga ko‘proq o‘yin amaliyoti berilsa, natijalar yaxshilanaveradi. Ashurmatov, Shomurodov shular jumlasidandir. Biroq o‘yin uslubida ham o‘sishni unutmaslik kerak.

Yosh o‘yinchilarga ko‘proq imkoniyat beryapmiz. Husanov klubida ko‘proq o‘ynamagani uchun ularga sekin-sekin amaliyot berib boryapmiz. Qolgan vunderkindlar haqida ham shu gap», – dedi murabbiy.