O‘zbekiston IBA Jahon chempionatidagi ishtirokini tugatdi. Yakuniy natijalar qanday bo‘ldi?

Dubay shahrida boks bo‘yicha kattalar o‘rtasidagi IBA Jahon chempionati o‘z yakuniga yetdi.

Ushbu musobaqada dunyoning 108 ta davlatdan 428 nafar bokschi ishtirok etdi.

O‘zbekiston terma jamoasi ham bahslarda to‘liq tarkib bilan qatnashdi.

Musobaqa yakuniga ko‘ra, O‘zbekiston terma jamoasi bokschilari 2 ta oltin, 4 ta kumush va 3 ta bronza medallariga sazovor bo‘ldi.

Terma jamoamiz safida quyidagi bokschilarimiz sovrindor bo‘ldi:

Oltin:

-51 kg. Hasanboy Do‘smatov

-67 kg. Asadxo‘ja Mo‘ydinxo‘jayev

Kumush:

-60 kg. Abdumalik Xalokov

-80 kg. Javohir Ummataliyev

-92 kg. To‘rabek Xabibullayev

+92 kg. Arman Maxanov

Bronza:

-54 kg. Asilbek Jalilov

-57 kg. Xo‘janazar Nortojiyev

-75 kg. Fazliddin Erkinboyev.

Musobaqada umumjamoa hisobida Rossiya terma jamoasi 7 ta oltin, 5 ta kumush va 1 ta bronza medal qo‘lga kiritgan holda 1-o‘rinni band etdi.

Ikkinchi o‘rinni Qozog‘iston bokschilari egalladi (3 ta oltin, 1 ta kumush va 2 ta bronza).

O‘zbekiston terma jamoasi esa 2 ta oltin, 4 ta kumush va 3 ta bronza medali bilan uchinchi bo‘ldi.