O‘zbekiston dunyo iqtisodiy erkinlik indeksida 6 pog‘ona yuqoriladi

O‘zbekiston “Iqtisodiy erkinlik indeksi – 2024” reytingida 184 ta mamlakat orasida 55,9 ball bilan 103-o‘rinni egalladi va iqtisodiyoti erkin bo‘lmagan mamlakatlar ro‘yxatidan joy oldi. O‘tgan yilga qaraganda fiskal salomatlik (-13,2 ball) va davlat xarajatlari (-4,5 ball) masalasida ahvol sezilarli darajada yomonlashgan.

Heritage Foundation tadqiqot markazi “Iqtisodiy erkinlik indeksi – 2024” hisobotini e’lon qildi.

Unda O‘zbekiston 184 ta mamlakat orasida 55,9 ball bilan 103-o‘rinni egallagan. So‘nggi hisobotga ko‘ra, mamlakat reytingi 0,6 ballga yomonlashgan bo‘lsa-da, 6 pog‘onaga yuqorilagan va iqtisodiyoti erkin bo‘lmagan mamlakatlar guruhidan joy olgan.