"UzAuto Motors" 8 ta yangi model chiqarmoqchi

"UzAuto Motor" kompaniyasi yaqin kelajakda 8 ta yangi avtomobil modelini taqdim etishni rejalashtirmoqda va asosiy e’tibor SUV segmentini kengaytirishga qaratilgan. Yangi maqsadlarga doir ma’lumotni kompaniya ijtimoiy tarmoqdagi o‘z sahifasida e’lon qildi.

Kompaniya bosh direktori Yanos Kovachning ma’lum qilishicha, hozirgi ishlab chiqarish quvvati bir yilda 550 ming avtomobilni tashkil qiladi va 2025 yilda eksport hajmi 23 ming birlikka yetgan. "UzAuto" yaqin vaqt ichida o‘z bozori geografiyasini kengaytirib, xususan, Mo‘g‘uliston va Gruziyagacha yetib borishni rejalashtirmoqda.

Shuningdek, kompaniya o‘zining eng ommabop modeli "Chevrolet Cobalt"ni zamonaviylashtirish va Xorazmda kichik savdo-mexanik avtomobillarni ishlab chiqarish ustida ish olib borayotganini ham ma’lum qildi.

“Shu vaqt davomida "Chevrolet Cobalt 2025" modeli ham yangilandi — interyerda yangi panel, rulda multimedia boshqaruv, muzlatilgan o‘rindiqlar va kruiz-kontrollar joriy etildi”, – deb qo‘shimcha qildi Yanos Kovach.

Mutasaddilar bozordagi shartlarga to‘xtalar ekan, 2025 yil birinchi yarmida kompaniyaning sof daromadi 27,5% ga — 1,91 trillion so‘mdan 1,38 trillion so‘mga, ichki bozordagi ulushi esa 90,2% dan 82,2% ga kamayganini qayd etishdi.

Ma’lum bo‘lishicha, 2025 yil avgust oyida "Chevrolet Tahoe 2025 High Country" modeli taqdim etilgan; u 1,46 milliard so‘mdan boshlanadigan narxda 11 sentyabrdan sotuvga chiqadi.