Ukrainaning Rossiyaga hujumi Putin uchun juda katta muammo bo‘lib chiqdi

Washington Post'ning yozishicha, Ukrainaning Kursk viloyatiga bostirib kirishi Kreml uchun 2023 yil iyun oyidagi «Vagner» qo‘zg‘oloni«dan keyingi eng jiddiy muammo bo‘ldi.

"Tahlilchilarning ta’kidlashicha, hujum Rossiya qo‘shinlarini front bo‘ylab boshqa joylardan uzoqlashtirish, shuningdek, kelajakdagi muzokaralarga ta’sir o‘tkazish uchun mo‘ljallangan bo‘lishi mumkin", deyiladi maqolada.

Shuningdek, mualliflarning fikricha, Ukraina QKning operasiyasi Kiyev uchun psixologik ahamiyatga ega bo‘lib, Ukraina qo‘shinlari va aholisining jangovar ruhini ko‘targan.

Shu bilan birga, »ba’zi harbiy ekspertlar frontning boshqa muhim nuqtalarida zaifligini hisobga olib, Ukraina hujumining maqsadga muvofiqligiga shubha bilan qarashadi va Rossiyaning ancha yaxshi jihozlangan harbiy kuchlari ukrainaliklarni ertami-kechmi quvib chiqarishi mumkinligini taxmin qilishadi".