Ukrainadagi urushni to‘xtatish uchun AQSh barmog‘ini qimirlatsa kifoya edi — Medvedev

Agar Qo‘shma Shtatlar haqiqatan ham Ukrainadagi o‘zlari qo‘zg‘atgan mojaroga barham berishni istasa, buni birgina barmoq ishorasi bilan qilishi mumkin edi. Bu haqda Rossiya Federasiyasi Xavfsizlik kengashi raisi o‘rinbosari Dmitriy Medvedev aytib o‘tdi.

«Agar Vashington haqiqatan ham o‘zi qo‘zg‘atgan urushni to‘xtatmoqchi bo‘lsa, u barmog‘ini bir chertib, o‘zining giyohvandlik bilan shug‘ullangan loqaydlariga muzokaralar stoliga o‘tirishni buyurib, buni uddalay olardi», dedi Medvedev.

Ma’lumot uchun, Rossiya 24 fevraldan beri Ukrainada urush olib bormoqda. Rossiya prezidenti Vladimir Putin o‘z vazifasini «sakkiz yil davomida Kiyev rejimi tomonidan bezorilik va genosidga uchragan odamlarni himoya qilish» deb atagan. Prezidentning so‘zlariga ko‘ra, operasiyadan asosiy maqsad Donbassni ozod qilish va Rossiya xavfsizligini kafolatlaydigan shart-sharoitlarni yaratishdir.

Avvalroq Putin G‘arb Rossiyaning qulashi uchun Ukrainada Rossiyaga qarshi anklav yaratishga urinayotgani va buning oldini olish uchun maxsus operasiya boshlanganini aytgandi.