O‘h-ho‘! Pavel Durov Fransiyada 20 yilga qamalishi mumkin

Telegram asoschisi Pavel Durov 12 ta jinoyatda ayblanmoqda. Bu haqda dushanba kuni Parij prokuraturasi xabar berdi.

28 avgust, chorshanba kuni Telegram asoschisini hibsda saqlash muddati uzaytirildi. Bu muddat tugaguniga qadar Durov unga qarshi ayblovlar qo‘yilmagan holda hibsda qolishi mumkin.

Tadbirkorga nisbatan ish joriy yilning 8 iyulida ochilgan, deya qo‘shimcha qildi Parij prokuraturasi. Hozirda uni «ismi oshkor etilmagan shaxsga qarshi ish bo‘yicha» kiberjinoyatlar bo‘yicha tergov doirasida so‘roq qilish davom etmoqda, deb xabar beradi «RIA Novosti».

Pavel Durov 24 avgust kuni Parij Le Burje aeroportida qo‘lga olingan edi. U Telegramda moderasiya yo‘qligi sababli giyohvand moddalar savdosi, firibgarlik va bolalarga qarshi jinoyatlar kabi jinoyatlarga yordam berishda gumon qilinmoqda. Agar bu ayblovlar tasdiqlansa, Fransiyada tadbirkor 20 yilgacha qamoq jazosiga hukm qilinishi mumkin.