Turkmaniston Erondan ko‘chirilgan O‘zbekiston fuqarolariga gumanitar yordam ko‘rsatdi

Isroilning Eronga hujumlari munosabati bilan Turkmaniston xorijlik diplomatlar va ularning oila a’zolari hamda boshqa fuqarolarga o‘z hududi orqali Eronni tark etishga ruxsat berdi. Bu haqda Turkmaniston tashqi ishlar vazirligi xabar berdi. Ayni paytda Turkmanistonning o‘zida ham turli tovarlar va oziq-ovqat mahsulotlari narxi oshib bormoqda.

Qo‘shni davlatdagi harbiy harakatlar fonida Turkmaniston rasmiylari xorijlik diplomatlar va ularning oila a’zolari hamda Eronni tark etgan boshqa fuqarolarni transport, oziq-ovqat, mehmonxonalar va zarur buyumlar bilan ta’minlashni buyurdi. TIV 16 iyun kuni Turkmaniston nazorat-o‘tkazish punktlaridan o‘tganlar sonini keltirmoqda: Qozog‘iston, Qirg‘iziston, O‘zbekiston, Tojikiston, Ruminiya va boshqa mamlakatlardan 120 ga yaqin kishi.

Ayni paytda mamlakat ichida ayrim tovarlar narxining oshishi kuzatildi. Bir necha kun avval Ashxobodda bir quti Eron sigaretasi 55 manat (2,75 dollar) bo‘lgan bo‘lsa, bugun uning narxi 75–80 (3,75–4 dollar) ni tashkil qilmoqda.

Ayrim mahsulotlar ham qimmatlashdi: sut mahsulotlari, bozorlarda sabzavotlar. Masalan, avvallari bir kilosining narxi uch manatdan oshmaydigan piyozni savdogarlar besh manat deb so‘rayapti. Shuningdek, maishiy kimyo mahsulotlari: kir yuvish kukuni, shampun, sovun narxining oshishi kuzatilmoqda.