Turkiya zilziladan jabr ko‘rgan hududlardagi universitetlarda ta’limni to‘xtatdi

Zilziladan jabr ko‘rgan hududlardagi oliy o‘quv yurtlarida o‘quv jarayoni to‘xtatildi.

Bu haqda Turkiya vise-prezidenti Fuat O‘qtay bugun ma’lum qildi.

Unga ko‘ra, ta’lim to‘xtatilgan universitetlar binolari boshpana sifatida foydalaniladi.

Eslatib o‘tamiz, bugun ertalab Turkiya janubi-sharqida 7,7 magnitudali zilzila sodir bo‘ldi.

Zilzila o‘chog‘i Qahramanmarash viloyatining Pazardjik tumanida, 7 kilometr chuqurlikda bo‘lgan. Hatay, Gaziantep, Kilis, Osmaniya, Malatya, Adiyaman, Shanliurfa, Diyorbekir, Adana va Qahramanmarash viloyatlarida jiddiy vayronagarchiliklar kuzatilmoqda.

So‘nggi ma’lumotlarga ko‘ra, zilzila oqibatida 1541 kishi halok bo‘lgan, 9733 kishi jarohatlangan.