Tunisda 29 muhojirning jasadini dengizdan olib chiqdi

Tunis sohil qo‘riqlash xizmati mamlakat qirg‘oqlarida ikkita qayiq cho‘kib ketganidan keyin 29 nafar noqonuniy muhojirning jasadini dengizdan olib chiqdi. Bu haqda yakshanba kuni Tunis sohil qo‘riqlash xizmati ma’lum qildi, deb xabar beradi Xitoyning Sinhua agentligi.

Sohil qo‘riqlash xizmati rasmiy vakili Husemeddin Jbabli ma’lumotlariga ko‘ra, shanba oqshomida bir qayiq Sfaks provinsiyasi (Janubiy-Sharqiy Tunis) qirg‘oqlarida, ikkinchisi esa shanba kuni kechqurun Mahdiya provinsiyasida (Sharqiy Tunis) cho‘kib ketgan.

«Maxdiya provinsiyasidagi Tunis sohil qo‘riqlash xizmati bo‘linmalari kecha tunda O‘rtayer dengizini kesib o‘tib, Italiya qirg‘oqlariga yetib olishga uringan 27 nafar noqonuniy muhojirning jasadini suvdan olib chiqdi, biroq ular cho‘kib ketgan qayiqda edi», — dedi Jbabli.

«Bundan tashqari, Sfaks provinsiyasi qirg‘oqlaridan yana ikki nafar noqonuniy muhojirning jasadi topildi», — deya qo‘shimcha qildi u.

Unga ko‘ra, operasiya davomida Afrikadan kelgan 11 nafar muhojir qutqarib olindi, bedarak yo‘qolganlarni qidirish ishlari hamon davom etmoqda.

H.Jbabli aniqlik kiritishicha, muhojirlar Italiyaning Lampeduza oroliga yetib borish uchun O‘rtayer dengizi orqali o‘tmoqchi bo‘lgan.

Lampeduza oroli noqonuniy muhojirlarning Italiyaga dengiz sayohati uchun birinchi bekatidir. Tunis sohilidan 80 km uzoqlikda joylashgan.