Tramp Kremldan o‘rganib, Grenlandiyaga bo‘lgan siyosatida yangi taktika qo‘llayapti

So‘nggi oylarda AQSh prezidenti Donald Trampning Grenlandiyani o‘z ichiga olish orzusidan voz kechgani taxmin qilingan edi. Biroq, ehtimol u faqat taktikasini o‘zgartirgan. Hozirda uch nafar amerikalik Grenlandiyada bo‘lib, mahalliy aholi orasida mustaqillik uchun kurashishga da’vat qilayotgani ma’lum bo‘ldi. Ular Rossiya amalga oshirayotgan ta’sir usulini qo‘llamoqda, deya taxmin qilmoqda BILD nashri.

Datsiya xavfsizlik xizmati PET bu harakatlarni «Grenlandiyani ta’sir qilish maqsadida turli xil harakatlar» deb baholamoqda. Ular Daniya va Grenlandiya o‘rtasida qarama-qarshilik paydo qilishga harakat qilmoqda.

Ulardan biri grenlandlar orasida MAGA tarafdorlari ro‘yxatini tuzgan, shuningdek Daniya haqida AQSh ommaviy axborot vositalarida salbiy xabarlarni tarqatishga xizmat qiladigan ma’lumotlar yig‘moqda. Qolgan ikkisi siyosatchilar va tadbirkorlar bilan yaqin aloqa o‘rnatishga urinmoqda.

Daniyaning sobiq harbiy razvedka analitigi Yakob Kaarsboning aytishicha, bu usul bilan grenlandlar Daniyadan uzoqlashtirilishi va hatto norozilik namoyishlari bilan Daniya yomon tomonda ko‘rsatilishi mumkin.

Hozircha ushbu amerikaliklar AQSh hukumati topshirig‘i bilan harakat qilgani bo‘yicha aniq dalillar topilmagan, ammo Daniya buning ehtimoliga shubha qilmayapti. Daniya tashqi ishlar vaziri Lars Lyokke Rasmussen AQSh elchixonasi muvaqqat vakili bilan uchrashib, har qanday tashqi aralashuvning qabul qilinmasligini ta’kidladi.