Toshkent davlat yuridik universitetiga rektor tayinlandi

Xo‘jaev Baxshillo Kamolovich Toshkent davlat yuridik universitetining rektori lavozimiga tayinlandi.

Baxshillo Xo‘jayev 1982 yilda Buxoro viloyati, Buxoro shahrida tug‘ilgan. Ma’lumoti oliy, huquqshunos, 2-darajali adliya maslahatchisi. 2004 yilda Toshkent davlat yuridik instituti bakalavr bosqichini, 2006 yilda magistratura bosqichini, 2018 yilda Nagoya (Yaponiya) universitetining doktorantura bosqichini tamomlagan.

Mehnat faoliyatini 2004 yilda “Mezon xususiy xizmati” advokatlik firmasi advokat yordamchisi lavozimidan boshlagan.

➖ 2005–2006 yillarda Toshkent tuman Qishloq va suv xo‘jaligi bo‘limi yuridik xizmat mutaxassisi;
➖ 2006–2013 yillarda Toshkent davlat yuridik instituti “Xo‘jalik huquqi va xo‘jalik prosessual huquqi” kafedrasining o‘qituvchisi, katta o‘qituvchisi, dosent vazifasini bajaruvchisi;
➖ 2013–2014 yillarda Toshkent davlat yuridik universiteti Biznes huquqi kafedrasi dosent vazifasini bajaruvchisi;
➖ 2014–2018 yillarda Yaponiyadagi Nagoya universiteti Qiyosiy huquq yo‘nalishi doktoranti (Doctoral Program in Comparative Law and Political Science);
➖ 2018–2019 yillarda Adliya vazirligi huzuridagi Huquqiy siyosat tadqiqot institutining bosh maslahatchisi, bo‘limi boshlig‘i, direktor o‘rinbosari;
➖ 2019–2020 yillarda Adliya vazirligi Yuridik ta’lim va sud-ekspertiza faoliyatini muvofiqlashtirish boshqarmasi boshlig‘i o‘rinbosari;
➖ 2020–2022 yillarda Toshkent davlat yuridik universiteti Biznes huquqi kafedrasi mudiri, Xususiy huquq fakulteti dekani.

Tayinlovga qadar (2022 yildan) Toshkent davlat yuridik universitetining ilmiy ishlar va innovasiyalar bo‘yicha prorektori lavozimida faoliyat ko‘rsatgan.